حوزہ نیوز ایجنسی کے مطابق، قائد ملت جعفریہ پاکستان علامہ سید ساجد علی نقوی نے کہا: جمعة الوداع کو یوم القدس بھر پو ر طور پر منایا جائے۔ تمام طبقات سے یوم القدس کے سمینارز، اجتماعات اور ریلیوں میں بھرپور شرکت کی اپیل کرتے ہیں۔
انہوں نے کہا: فلسطینیوں پر ظلم کے پہاڑ ٹوٹ چکے، سامراج و صہیونیت نے جس طرح انسانیت سوز مظالم ڈھائے، عورتوں، بچوں اور بزرگوں کے ساتھ اسپتالوں، این جی اوز، صحافیوں اور امدادی سرگرمیوں کو جس طرح نشانہ بنایا وہ اس کی درندگی اور سفاکیت کا منہ بولتا ثبوت ہے۔
علامہ سید ساجد علی نقوی نے کہا: سامراج اور و استعماریت اس حد تک پاگل ہو چکے ہیں کہ اسے بین الاقوامی سرحدوں ،قوانین اور چارٹرز تک کی پرواہ نہیں۔
انہوں نے مزید کہا: ان مظالم کے خلاف جمعة الوداع 27 رمضان المبارک کو ملک بھر میں یوم القدس بھر پور طریقے سے منایا جائے۔ جب تک قبلہ اول کی آزادی اور مظلوم فلسطینیوں کو ان کا حق نہیں دیا جائے گا، احتجاج جاری رہے گا۔
آپ کا تبصرہ